உறுது மொழியுடன் நோக்கியா 114

உறுது மொழியுடன் நோக்கியா 114

         முதன் முதலாக, உருது மொழிக்கான கீ போர்டுடன் மொபைல் போன் ஒன்றை, நோக்கியா 114 என்ற பெயரில், நோக்கியா இந்தியாவில் விற்பனைக்குக் கொண்டு வந்துள்ளது. நோக்கியா 114 முன்பே அறிமுகப்படுத்தப்பட்ட போன் என்றாலும், தற்போது உருது மொழி சப்போர்ட்டுடன் மீண்டும் விற்பனைக்கு வந்துள்ளது. இதன் அதிக பட்ச விலை ரூ. 2,579.
நோக்கியா 11 இந்திய மொழிகளுக்குத் தன் மொபைல் போன்களில் சப்போர்ட் தருகிறது. தமிழ், இந்தி, மலையாளம், தெலுங்கு, கன்னடம், குஜ்ராத்தி,வங்காளம், ஒரியா, அஸாமீஸ், பஞ்சாபி மற்றும் மராத்தி ஆகிய மொழிகளுக்கான சப்போர்ட் 2008 ஆம் ஆண்டு முதல் கிடைத்து வருகிறது. இதற்கென, தன் ஆஷா வரிசை ஸ்மார்ட் போன்களில் பயன்படுத்த, அக்ஸார் (Akshar) என்ற பெயரில் அப்ளிகேஷன் ஒன்றைத் தயாரித்து வழங்குகிறது. இந்த போனில் 1.8 அங்குல திரை, டி9 கீ போர்ட், விஜிஏ கேமரா, இரண்டு சிம் பயன்பாடு, மெமரி கார்ட் ஸ்லாட் ஆகியவை உள்ளன. 32 ஜிபி வரை இதன் மெமரியை அதிகப்படுத்தும் வசதி உள்ளது. இதன் பேட்டரி 1020 mAh திறன் கொண்டது. தொடர்ந்து 10.5 மணி நேரம் பேசும் திறனை அளிக்கிறது. அண்மையில், டில்லியில் மத்திய தகவல் தொழில் நுட்பத் துறை அமைச்சர் கபில் சிபல் இதனை வெளியிட்டார்.